Ishonch telefonlari
11-44 Barcha raqamlar
  • Oʻzbekiston Respublikasi telekommunikatsiya tarmogʻi 9 xonali telefon raqamli tizimga oʻtmoqda
    09.09.2018

    2018 yil 10 sentabrdan boshlab yil yakuniga qadar Oʻzbekiston Respublikasi telekommunikatsiya tarmogʻi 9 xonali telefon raqamli tizimga oʻtadi.

    2018 yilning 10 sentabridan 30 sentabriga qadar 9 xonali telefon raqamli tizimga oʻtish Toshkent shahri va Toshkent viloyatida amalga oshiriladi.

    Muhim: 2018 yilning 1 oktabridan boshlab, Toshkent shahri va Toshkent viloyati abonentlari uchun faqatgina 9 xonali telefon raqamlari amal qiladi.

    Oʻzbekistonning boshqa viloyatlarida 9 xonali telefon raqamli tizimga oʻtish alohida jadval boʻyicha amalga oshiriladi va bu haqda qoʻshimcha tarzda maʼlum qilinadi!!!

    DIQQAT!

    Tezkor chaqiruv xizmatlari va qisqa 4 xonali raqamlarga qoʻngʻiroq qilish tartibi oʻzgarmaydi!!!

    Xalqaro formatda qoʻngʻiroq qilish tartibi oʻzgarmaydi (+998-xxxxxxxxx).

    Abonentlarga qulaylik yaratish uchun!

    Raqamlar notoʻgʻri terilganda, bu haqda ogohlantiruvchi ovozli xabar tizimi yoʻlga qoʻyiladi (Hurmatli abonent, 9 xonali telefon raqamli tizimga oʻtish munosabati bilan, abonent raqamini operator kodi bilan turishingizni soʻraymiz). Bundan tashqari qisqa 1192 raqami orqali tunu-kun abonentlarni texnik qoʻllab-quvvatlash xizmati faoliyat koʻrsatadi.

    Qanday qilib 9 xonali telefon raqami orqali mobil aloqa operatorini aniqlash mumkin?

    Telefon raqami qaysi operatorga yoki viloyatga tegishli ekanligini www.rtmc.uz saytiga kirib, “Interaktiv xizmatlar” boʻlimidan, shuningdek, @uztbmbot telegramm-boti yordamida aniqlashingiz mumkin.

    Manba: Axborot xizmati